想要提升自己嘅財務狀況, 除咗開源, 就係節流, 今日介紹一款可以幫你開源兼節流嘅app叫做-SHOPBACK! Shopback係一個新加坡嘅cashback平台, 創立於2014年, 2022年7月進駐香港。佢嘅原理同聯盟營銷(Affiliate Marketing)相似, Shopback同各個商家達成协議,商家會就由Shopback導去商家嘅流量支付Shopback佣金,而Shopback又會支付消費者現金回贈,達到三贏。 對於消費者嚟講, 如何「節流」呢？ 好簡單, 就係係有網購需求嘅時候, 打開Shopback去搵想要消費嘅商家, 點擊之後系統就會自動跳轉到去商家本身嘅手機程式/網頁, 接落嚟嘅程序就同平時一樣, 只要係經Shopback到達商家平台並係一個鐘之內有付款動作(禮品卡除外), Shopback就會追蹤到並計算相對應嘅現金回贈。而呢啲回贈係唔會影響到消費者本身嘅會員積分同信用卡回贈, 換句話說, 三者係叠加㗎！ 而Shopback上嘅商家基本涵蓋咗我哋生活嘅方方面面,相信大部分人都會有機會用到。 需要提醒大家, 根據每個商家處理進程唔同, Shopback嘅現金回贈需要等待45-75日,狀態先至會陸續由「審核中金額」轉作「可提取回贈金額」。 原因之一係平台要等到過咗退貨有效期, 確保購買流程已經完成； 原因之二係要等平台之間結算完畢，商家支付完佣金俾Shopback, Shopback先會放款俾消費者。 最低可提款嘅數額係HK$50, 相信平時買嘢記得用Shopback嘅用戶應該好快可以儲到。 提款方式就有銀行戶口同埋轉數快FPS兩種,個人推介FPS, 入電話號碼驗證埋就搞掂！ 好喇, 咁我哋可以點樣利用Shopback去「開源」呢？ 一, 幫人購物。 積極啲組織團購, 例如幫人買淘寶, 叫外賣, 叫Uber, 可以在不影響他人所付出費用嘅前提下係Shopback平台賺到額外嘅cashback。 二, 流量變現。 如果你有寫blog, 或者有自己嘅youtube/podcast頻道, 應該對聯盟營銷(Affiliate Marketing)唔陌生。將你嘅推介鏈接擺係你嘅頻道, 亦都可以將你嘅邀請碼分享去你身在嘅whatsapp/facebook/telegram群組, 所有經你條鏈接註冊嘅用戶都會有30蚊港紙回贈,而你做為邀請人都會有30蚊獎賞。 呢度需要留意返, 要拎到呢HK$30獎賞, 介紹人與被介紹人都必須通過銀行資料嘅驗證以及完成最低HK$120的有效消費。 Shooback由於現金回贈週期長, 又有最低提款限額, 好多用戶會覺得提現難度大而覺得佢係「詐騙」。 其實正如上文有提到,Shopback提現週期長, 係因為佢要等商家完成結算,支付咗回佣之後,先可以放款俾佢嘅用戶,呢一點相信做會計嘅朋友會好明XD。 有用戶會質疑經Shopback購物,價錢會唔會唔同呢？ 呢一點其實可以驗證。例如我哋可以去咗商家本身個應用正式揀定商品先,跟住去到付款個步記低個付款總額係幾多, 然之後退出商家嘅應用程式, 打開Shopback, 係Shopback點擊同一間商家跳轉去到商家平台, 咁樣便可驗證價錢會唔會有變。本人曾經試過Foodpanda, 價錢係無變動嘅。 請留意返本操作僅為驗證目的, 驗證完記得清空購物車,再重新經Shopback重新嚟過,如果唔係都拎唔到回贈㗎！ 如果你已經睇到呢到又有興趣註冊Shopback嘅話, 歡迎使用我嘅邀請碼(3R5fYm）,又或者經我嘅推介鏈接領取HK$30獎賞喇!  https://app.shopback.com/AR2QjqpfmCb Continue reading